vòlon pas partir....

arser, un parelh d'amics que son venguts a l'ostal manquèron de partir pas.
après una serada simpatica a charrar, dedins que la nebla èra tombada i se vesiá pas tròp : los acompanhi a la pòrta se disem adieu.
al moment que dintravi , me maini qu'ai pas ausit l'auto. a travers los arbres agachi tot en me disent que soi a espinchar mentre que son a s'embrassar e que soi indiscreta.
alara i torni( indiscrecion assumida) e aqui sortís de la veitura e a ma question un pauc inquieta, un pauc risolièra me respond que lo motor vòl pas s'alucar.

ièu romantica cresiái ja a una istòria dins la veitura.....
patatras, problèma mecanica que l'òme a degut farfolhar....

lo nebodet

se ten solet quilhat, fa pas longtemps. aviá besonh de téner las joguinas de las doas mans per las espepissar melhor. la motivacion èra reala!
encara un exemple que per capitar e avançar cal de vertadièras rasons e non pas de 'pseudo' besonhs.

Aqueste pichon es tranquille qu'es pas de dire. se fa pas ausir, plora pas, sap jogar solet en se parlant que nautres i comprenem pas res! contunha d'aimar de dansar un pauc a la 'Elvis'.

per el es la fin de las vacanças a la mar, es tornat a l'ostal de sa 'nounou' plan contenta de lo tornar veire.

la fille coupée en deux

chabrol, un 15 aout, du temps allez! on se decide. 2heures de plongée dans une société bizarre. je ne connais pas grand chose au cinema, mais ce film fait parler , commenter. quel comportement nous perturbe le plus? une phrase à retenir: la mère parle à sa fille:" ce que tu vas dire doit être difficile à dire que tu n'aies pas pu le dire à ta mère avant". ( ce ne sont pas les mots exacts mais presque).
une jeune qui rentre dans un système qui va la bouffer, decadence, manipulation...
notre monde quoi!!!

de nòvas

un quinzenat de jorns sens picar. vacanças que l'esperit se pausa, pr'aquò contunhi de veire los mails que son en vacanças tanben. tan melhor .
n'ai aprofiechat pasmens per levar lo papièr de las parets que datava de qualque trentas annadas. per metre de pintura o de crepi d'interior: ia totjorn de suspresas per l'amator per exemple la paret que se micalha a flor e a mesura e lo plafond que se revela poirit: tròp es tròp. me cal de volontat per contunhar de creire que tot serà preste abans la fin de las vacanças, òi te cresi!
me caldrà demandar d'ajuda a un pro per saupre çò que pòdi faire.
Pasmens aqueste ostal meu pren de mai en mai de gaubi e i me sentissi plan d'i viure dedins.