mal d'esquina e nebodet

fa qualques setmanas qu'ai mal d'esquina: impossible de demorar quilhada mai de 5 minutas, e assetada encara mens.
devi dire que dempuèi 5 ans , me soi avisada qu'èra psicosomatic. alara amb coratge, quand m'arriba ensagi de veire lo problèma en fàcia e arribi d'apasimar la crisi.
aqueste còp, impossible la causa s'amagava plan dins mon subconscient! al punt qu'ai degut demorar al lièch per 3 jorns, sul conselh del metge. cerca que cercaràs! trapavi pas la solucion.

per las vacanças me soi ocupada pel primièr còp de mon nebodet de 18 meses ara ( n'aviái ja parlat)
una amiga es venguda a l'ostal m'ajudar, anèrem a la platja, a la piscina. aqueste pichòt, li agrada plan lo banh a l'ostal e a la piscina voliá pas mai partir. sap dire de non amb lo cap. (parla pas encara).
una autra amiga m'ajudèt a li faire manjar qualques verduras que las vòls pas amb la maire.
enfin, èri pas soleta, abandonada amb un pichonet que m'auriá maltratada....

vaquí, avetz endevinhat, lo mal d'esquina es partit solet!