après lo 14

una jornada per s'obligar a prene lo temps de dire que s'aimam.
Es verai que lo mai complicat es de i pensar dins la vida vidanta, de s'embarrar pas dins los laguis del trabalh, de l'escorreguda entre l'ostal, l'auto, los enfants e...mai.
Quin trabalh per faire viure l'amor, per lo rendre ric: valent a dire lo noirrir regularament, partejar d'emocions de lectura, de rescontres. Aquò es quicòm: cossi rendre un rescontre qu'ai fach soleta interessant per l'autre. Perque tre que començam quicòm de nòstre costat sens o raportar la rompedura es lèu arribada entre çò que vivem e que nos interessa e l'autre que compren pas çò que se passa.
Faire viure l'amor es aquesta capacitat de gardar lo meteis ritme malgrat qu'aguèssem de trabalhs diferents.

alara en luòc d'embarrar l'amor dins de declaracions viudas de 14 de Febrièr, ensajar de metre en comun de biaisses de viure cada jorn.