lo mercat

Vaquí un endrech que m'i sentissi plan. Fau la virada de l'androna màger per la comparason dels preses.
Sovent remarqui las causas mas ne fau pas la sintèsi, aquò demòra dins lo domèni de la percepcion. Aqueste matin, un còp de mai: crompi un caulet frisat vèrd polit perque n'ai vist de pertot suls taulhièrs. Pas res mai. E t'ausissi pas qualqu'un dire " e ben los caulets son sortits, uèi". Verai que las setmanas passadas n'i aviá pas tant e fasián miseroses. Avián espelit de pertot.

Ensagi de i davalar pas tròp tard, per primièr trapar un endrech per parcar l'autò, puèi per crosar los matinièrs d'abans 10 oras ( il faut pas pousser mémé dans les orties) subretot que la mameta aimi mai la veire dins la carrièra!!!!

Los vendeires qu'aimi melhor son los ortalhièrs, los fromatgièrs e los peissonièrs. Aquí m'arresti per crompar. Mas n'ia dos autres que me fan bavar los de las olivas a totas las sauças, e de la carnsalada. Ne manjariái a me faire petar lo ventre, n'i auriá pas mai lo temps que tornèsse a l'ostal.

Fin finala subre-aimi passejar davant de causas que se manjan...