as agantat lo 4

Es aquò que me diguèt ma tanta per festejar mon anniversari. E òc! es fach los 40 ans son arribats.
Cada annada me fa plàser de festejar mon cap d'an personal, per ièu es una mena de fèsta que ne soi l'eroïna, un còp per an pensi que pòdi èsser pas tròp umila.
Mas aquest'an èra pas coma los autres, alara fa ja qualques meses que i me prepari e ai un pauc plorinejat: es un moment per faire un bilanç de la vida... e evidentament m'arrèsti pas sus las capitadas mas puslèu sus çò qu'ai mancat, çò que son de fracasses per ièu, al dedins de ièu.
E foguèt tanben l'escasença d'escampar de caçòlas que me seguissián dempuèi d'annadas e ara que son pas mai carrejadas ( ai perdut de pes).

40 ans fin finala, soi contenta, es una autra escoreguda... per qualques annadas mai.