l'estiu per faire la fèsta...per l'Occitan e la cultura ia la causida :al ras de la mar un fum de causas son prepausadas per que los toristas trapen d'ocupacions.
los occitans se dobrisson als autres perqu'ajan pas tròp paur: aital a Besièrs per fèsta d'oc, arser anèri passejar sus las alèas per escotar 'du Bartas' un grop que coneissiái pas. suspresa de veire al mitan sus l'empont Laurenç Cavalier. aqueste solet o acompanhat estimi plan çò que canta.
Dansar al son de sa votz e de l'acordeon, foguèron maites a se sarrar per partejar una dansa.
degun partiguèt pas quand daissèt la plaça a 'Lo còr de la plana'. avem pas tròp l'escasença de los ausir que son a Marselha, quin plàser per las aurelhas!!!!!!
a escotar las doas còlas cantar e faire dansar de mond que son pas occitan.....istas, me soi pensat que benlèu trapam lo succès dins la coneissença populària qu'aquestes ensajan de transmetre d'un biais que se pòsca estimar a l'ora d'ara. Tre que lo mond percebon un sens, una autenticitat son lestes a apreciar quicòm quina que siá la lenga.
soi contenta de coneisser d'artistas aital.
D'unes los traparem a rodez la setmana que ven... Anem zo! totes a rodez!
Inscription à :
Publier les commentaires (Atom)
4 commentaires:
siéu urous de de tourna vèire à Roudés.
ièu tanben. a lèu-lèu.
ieu tanben i serai!
i anirem totes, i anirem totes....
(canti se vòli)
totjorn lesta per levar la camba!!
lèva, lèva, lèva la camba.....
Enregistrer un commentaire