poesia e lenga

Una jornada a Lodeva a escotar de poetas legir o explicar la lor òbra los pès dins l'aiga o dins de patios privats. Bona limonada.
una pensada poetica, una escritura plurilenga per los qu'escrivon en ebrèu o en arab. aquí la remarca tomba e e pas relevada per degun qu'en fach comprenon pas çò que dison.
Un marocan trabalha amb lo reviraire, un israelian se fa passar per un palestinian per èsser publicat dins son païs. La lenga s'es convidada, e los franceses pensan que son dins un pais que ia pas de mond bilingues.

Una mirga perseguida per un cat se refugís dins un trauquet. a un moment ausís un gos que jaupa, alara se pensa que lo cat a degut partir puèi que ia lo cat. naseja e tomba sul cat que li sorís.
la mirga li demanda coma a fach per imitar lo gos, lo cat respond que se farà totjorn prene se pensa pas dins un cadre multilenga!!!!

anem! zo! totes a rodez!

l'estiu per faire la fèsta...per l'Occitan e la cultura ia la causida :al ras de la mar un fum de causas son prepausadas per que los toristas trapen d'ocupacions.
los occitans se dobrisson als autres perqu'ajan pas tròp paur: aital a Besièrs per fèsta d'oc, arser anèri passejar sus las alèas per escotar 'du Bartas' un grop que coneissiái pas. suspresa de veire al mitan sus l'empont Laurenç Cavalier. aqueste solet o acompanhat estimi plan çò que canta.
Dansar al son de sa votz e de l'acordeon, foguèron maites a se sarrar per partejar una dansa.
degun partiguèt pas quand daissèt la plaça a 'Lo còr de la plana'. avem pas tròp l'escasença de los ausir que son a Marselha, quin plàser per las aurelhas!!!!!!

a escotar las doas còlas cantar e faire dansar de mond que son pas occitan.....istas, me soi pensat que benlèu trapam lo succès dins la coneissença populària qu'aquestes ensajan de transmetre d'un biais que se pòsca estimar a l'ora d'ara. Tre que lo mond percebon un sens, una autenticitat son lestes a apreciar quicòm quina que siá la lenga.
soi contenta de coneisser d'artistas aital.

D'unes los traparem a rodez la setmana que ven... Anem zo! totes a rodez!

un divendres per mes

fa qualques meses ara, que participi a un escambi suls libres legits. ia pas res de professional! se passa dins una librariá, qu'apèla aquò 'prête- moi ton livre'. m'avisi que a flor e a mesura tot lo mond pren la paraula, gausa parlar, que los tèxtes son mens escriches e que cadun vira a l'entorn del meteis subjècte. aital se fasèm una idèa mai precisa sus eles, al mens comprenem qu'aqueste sicut es important per eles.
Los sorires escambiats son de mai en mai dobèrts.
e Los libres interessants, dins l'actualitat...
ça que là ia quicòm que truca es que ia de mens en mens d'òmes dins aquestes rescontres! aquò s'apren al tipe de rescontre? a la manca d'intelectualitat? als subjèctes abordats?
ièu, me geina que se n'anen totes perque vendrà un luòc 'forra-borra' de femnum embarrat sus se, que parlarà totjorn parièr sens vertadièr rescontre!

l'amor cada jorn

Ai "tastat" las doas possibilitats de biais de viure: soleta o acompanhada.
Es verai que tot lo mond regreta la "libertat" quand es empachat de faire çò que vòl al moment que vòl. Mai sovent es per una sortida amb los amics/amigas non-prevista. A-n-aqueste moment sentissem plan l'estaca amorosa, lo respiech que nos culpabiliza de decidir tot sol, quitament de sortir sens l'autre. Ausissetz ja la remarca: "e ièu, m'as pas res prepausat, pòdi pas venir, vau mancar quicòm" ( causissetz la responsa que vos conven).

Es verai que los solets regretan la "covivialitat"de qualqu'un que vos espera quand tornatz a l'ostal. L'autre que vos escota quand parlatz e que vos respond: l'escambi amorós que!
disetz" que fau solet, aimariái d'aver un amorós/amorosa"

fin finala desiram totjorn çò qu'avem pas tre que la situacion presenta nos pesa, o puslèu es contre l'interés momentanèl ( mot polit que m'agrada, existís?)
solet, acompanhat? mai important es de se trapar plan.

ecrire

Ecrire sur le web, expression possible. Pas de réponse pas d'attente et bien sûr pas de pression.
Personne ne m'a rien demandé. Je suis libre de parler, d'écrire long...court.
Vous êtes libre de ne pas lire, de lire, d'interrompre, de commenter, de vous taire, de répondre.
Des paroles en l'air, je le crois. Le vent les emportera, et elles auront un écho, tout petit soit il, quelque part. Chez toi?

lo rescontre

òu! sètz aquí? Aviái doblidat que i podiá aver qualqu'un. M'ausissetz, puslèu me legissetz: podetz faire de commentaris, sas, benlèu vos respondrai pas o benlèu que si.

Es coma dins la vida. Crosatz lo camin d'una persona. Setz a mand de vos arrestar, de còps estiratz la man per de dire de lo rescontrar, l'autre. Vos atira, al mens vos interessa.
Ges de responsa. L'autre passa. E mai s'arrestèsse seriá pas disponible: vòl parlar sonque d'el. Vos aculhís pr'amor qu'escotèsses çò qu'a de dire. Saique, vos o dirà tot, a son biais e subretot pas al vòstre. Es aital! Benlèu seretz decebuts, o alara suspreses, al melhor seretz interessats, vos agradarà de legir...

Alara plan venguda a vos, a tu que prenes de ton temps per escotar çò qu'ai d'exprimir.
al plaser de legir tos commentaris.