mela

perqu'es curiosa a crompat un d'amelie nothomb per veire Çò qu'èra!

aimi plan aqueste biais de se cultivar Mela, me fa plaser d'èsser ton amiga.

humanité contre horreur

une impression n'attend pas: lire un livre d'une seule traite me plonge dans une ambiance qui m'alourdit. j'ai lu Acide sulfurique d'amelie Nothomb, en y repensant c'est une reponse à 'les bienveillantes ' que je lis toujours mais a`petites doses.
L'heroïne nous montre qu'ëtre plein de notre humanité et non pas égoïste, nous aide à vivre.
L'autre héroïne nous montre que se remplir c'est toujours à l' aide de quelqu'un d'autre, voire par amour... mais c'est toujours pour soi (sans que ce soit de l'égoïsme)
L'évolution se fait en rapport avec les autres dans le but d'être plein.

être plein, opposé à être vide: sais-je ce que Ça veut dire? en vrai...

que dalle!

Dimècres en fin d'après-dinnada, dintri dins l'ofici de torisme(endrech estranh per una conferéncia dobèrta a totes mentre que sus la pòrta lo panèl disiá: barrat per causa de parladissa....)
ièu, soi dintrada: ai vist primièr Florian Vernet e l'ai ausit tanben.
veniá presentar lo libre sus las expressions francesas que venon de l'occitan.
de descobèrtas, per ièu genialas! i soi pas demorada longtemps, que lo tren m'esperava pas, mas ai aprés un fum de causas.
un exemple: l'avoir dans le baba: la vava es le vagin.
dins un diccionari etimologic: de baba, gâteau car ce mot polonais a aussi le sens de 'vieille femme', d'où l'idée générale de rondeurs.
pas brica la pena de commentari, una sola causa de dire mai: coitatz vos de comprar aqueste libre.
Que dalle! Quand l'argot parle occitan IEO edicions març 2007

los libres e ièu

Mela me fa passar una cadena bloguèsca:
4 libres de joinessa
pensavi que me soveniái pas: òc
Martine e la seria a la platja, a l'escòla, a la bòria....
lo princilhon en francés: primièra experiéncia de concentracion a ne doblidar lo demai a l'entorn.
Fantômette e lo club dels 5.
ça que là pas de remembres que me faguèsse donar aquestes libres a mon nebodet quand serà mai grandet.

4 escrivans que legirai encara
André Brink que legissi dempuèi d'annadas(1987), afrikaaner que sosquèt al sens de la creacion après l'apartheid. qué donar a legir?
Toni Morrison, americana que sosca a la plaça dels negres dins los estats units. reflexion sus l'identitat e se pèrdia.
Max Roqueta, perque "m'a aprés a veire" a l'entorn de ièu. e me congosti a legir sa pròsa poetica.
Amelie Nothomb pels deliris qu'es capable de caupre dins la clòsca.

4 escrivans que legirai pas mai
puslèu que i anirai de recuolon
Le clezio qu'es tròp complicat per ièu
Vautrin qu'ai de mal de m'i interssar.
d'autres que lor nom me ditz pas res que valga
Vergonha!!!! per la descriminacion de noms.

4 libres sus una isla desèrta
Vèrd paradís; Un instant dans le vent A. Brink; En attendant les barbares de J M Coetzee; Psychanalyse des contes de fées Bruno bettelheim

4 libres que m'espèran
la segonda mitat des Bienveillantes, la plega de l'an de l'IEO, e los autres que me faràn un cluc.

per acabar es segur qu'aurai doblidar quicòm, mas aquestes los pòrti amb ièu.

me cal jogar

oi!oi!oi!
me tana la Mela perqu'escriguèsse son daquòs suls libres....
m'i cal soscar per faire la tria e i metre los vertadiers, aimi talamemt legir ...
i pensarai la jornada e respondrai.

'arrivage' d'écrivains

A Montpelhier, es la dimenjada dels escrivans: son totes assetats los uns a costat desl autres, lor nom pegat endessús o endejós, amagat darrièr de molons de libres que deu baissar a flor e a mesura que la jornada avança. Son dins de gàbias dobèrtas e lo mond passejan davant.
quin trabalh! que cal saber legir de galís! lo títol del libre, lo nom del tipe, e la cara. Los uèlhs van e venon sens jamai s'arrestar sus pas res! Cossí far autrament?
Que pòt pensar lo tipe, assetat darrier los libres? Una jornada dins la calorassa del plan de la comèdia, dins la polsa, dins lo revolum montpelhierenc: es crebat sonque d'i pensar.
Espèra lo legeire que va venir quérre una dedicaça que n'aurà pas res a fotre tre que serà tornat a l'ostal. Agacha las braves gents que s'arrestan pas, que lo veson quitament pas.
Se sentir solet en soscant a la derision del rescontre? orgulh macat d'èsser pas reconegut?
Pòdon sentir çò que vòlon, lo legeire o sauprà pas.
ièu, pòdi totjorn pantaissar a un rescontre original, es pas l'endrech. Legissi.
es benlèu aquí lo rescontre vertadièr, dins lo libre.

Bon anniversari

lo 28 de mai!! aquest'an li pòdi pas desirar un anniversari. Alara ièr, i soi anada sus la pèira... 'aquí ont s'arresta lo camin' darnièrs mots del tèxt qu'a escrich per el e sa femna.
2 ans jorn per jorn( dison los medias) l'un e l'autre se son retrobats.
Mas nautres li parlam pas mai.
un mes e mièg fa ja, viri pas pus lo cap en passant davant l'ostal de retirada, arresti de pensar a una idèa me disent qu'aquò m'i caldrà dire. Mas de temps en quora pensi a-n-el.
rescontre tardiu, pensaments, umor comun. passejadas long de l'estanh, paraulas occitanas quand l'ausidor li desfautava. istòrias dels parents sièu, subretot lo paire e lo sògre: de modèls...per la dreitura.
lo dòl se fa plan planeta, pensatz d'i èsser preparat puèi qu'èra vièlh! e ben non...m'agradava d'anar manjaquejar un fruch confit o un chocolat. de li prestar un libre...
tot aquò, es pas mai possible.
92 ans bon anniversari papi.

un divendres per mes

fa qualques meses ara, que participi a un escambi suls libres legits. ia pas res de professional! se passa dins una librariá, qu'apèla aquò 'prête- moi ton livre'. m'avisi que a flor e a mesura tot lo mond pren la paraula, gausa parlar, que los tèxtes son mens escriches e que cadun vira a l'entorn del meteis subjècte. aital se fasèm una idèa mai precisa sus eles, al mens comprenem qu'aqueste sicut es important per eles.
Los sorires escambiats son de mai en mai dobèrts.
e Los libres interessants, dins l'actualitat...
ça que là ia quicòm que truca es que ia de mens en mens d'òmes dins aquestes rescontres! aquò s'apren al tipe de rescontre? a la manca d'intelectualitat? als subjèctes abordats?
ièu, me geina que se n'anen totes perque vendrà un luòc 'forra-borra' de femnum embarrat sus se, que parlarà totjorn parièr sens vertadièr rescontre!

atelier d'écriture

Se canta que cante
un aucelon dins un arbre
agacha nòstra planeta.

Se picoreja que picorege
los mainatges venon d'espertinar
traparà plan una micalha.

S'escota qu'escote
los òmes fan petar la cançon
jos l'arbre, sabon de quin país venon.

Se piuta que piute
jos la fuèlha beu una goteta
del vin que raja de la fèsta.

Se vòla que vòle
es ora de tornar partir
s'empòrta la cançon novèla.

ièu, l'ai gardada la pluma
per escriure la cançon.

les autres

veni de legir en francés d'Alice Ferney 'les autres'. Ditz de mots sus çò que sentissem, e sabem ja!
parla de la consciéncia de çò que sem. çò que pensan los autres de çò que sem. parla de l'inadequacion entre lor agach e nòstra idèa. Fa referéncia a totes los gèstes e signes exteriors que son de messatges interpretats mas nautres, que sem concernits, i avem pas accès. tot aquò es una sorga de "misunderstanding". Mostra tanben la dificultat de recebre la critica e d'ausir simpletament çò que los autres pensan de nautres.

Aquesta soscadissa es facha amb lo pretèxt d'un jòc de societat que los amics e la familha i jògan per un anniversari. los ligams son espepissats, las reflexions de cada personatge donadas per plan mostrar lo decalatge.

Ai passat de moments agradius a legir aquò.

6 de mai

silenci! que fa longtemps qu'ai pas res escrich.
soi anada votar coma un fum de mond, ai assistit pel primièr còp a la dobertura de las envolopas en fin de jornada. me semblèt long, alara soi tornada a la tele coma un fum de mond, a 8 oras ai vist lo president coma un fum de mond...

dins la region lo vent contunha de bufar coma ièr...pas res a cambiat...

es pas perque es lo nòstre...

los nenets son polits, non lo nenet que veni de me n'ocupar es fòrça polit, risolièr, pas ploraire, grandet per son atge, plan vestit, escota plan quand una li parla... canta tanben, li agrada de dançar ... chuca lo botelhon e comença de manjar: aima melhor lo sucrat...
enfin, aurètz comprés que soi estada conquisa per un pichonet de 6 meses....
mas MEFI! pas tròp saique que ai agut temps de faire pas res. me soi quitament pas repausada, que la nuèch que creses de dormir, gemega qu'a perdut lo d'aquòs dins la boca. te li o cal tornar metre.Fa lo penequet, tu as pas temps que te cal aprofiechar per lavar l'ostal.

tot aquò per dire que los dròlles pas per ièu, vòli pas passar lo diplòma "nounou agrée"
urosament ai pogut legir un pauc, ne vos parlarai lèu.

...coma un soc

la lassièra me pausa question vertadièrament... me tomba dessús fisicament. d'un biais diferent:siá l'esquina me ten pas mai, siá las cambas me dòlon, siá los uèlhs prusisson de tant que me los cal barrar. Fan mai que parpelejar, los pòdi pas gardar dubèrts. un signe de mai qu'aviái pas remarcat ièu, mas que los autres me dison la cara que se tanca, pas cap de sonrire, fau las ussas.
Tot per me rendre desagradiva, perdi lo sens de l'umor e ai pas enveja de parlar.
Descripcion un pauc tecnica que me rassegura en dire que son pas de cracas. Solament las questions demòran que trapi aquò pas tròp normal. Pensi que ai pas de rasons valablas, que la canha que me pesa es un signe de fenhantisa, de fugida de trabalh.
Aquí l'analisi s'arresta. pòdi pas pensar mai luènh. Viri en redond sens trapar una idèa de sortida.
Vòli sortir d'aquò, coma....d'un biais fisic sufís pas que dormissi.....

lo ritme

lo ritme... nos va parlar de musica, super.
ben, non! lo ritme del sòm. Dempuèi qualques jorns soi crebada, o sabi perque pòdi pas bolegar nimai me levar. me mancava d'oradas de sòm ( es per aquò qu'ai pas escrich). La question se pausa per ièu regularament: ont trapar l'energia , perque dormir tant? cossí fan las autras? entre l'ostal, los enfants, lo trabalh, las sortidas, las passejadas, los amics, la lectura. ai pas lo temps per tot aquò! Fin finala es un problèma de temps e de tombar pas malauta. va piano, va sano!! oc! mas fa pas res.

alara!

dificultat d'escriure regularament. quina tòca? fidelizar los legeires? lo blog es per exprimir de pensadas mieunas pas per pescar de public. ai pas de bonas rasons...es aital